Алматыда зейнеткерлерді жұмысқа орналастыру бойынша бағдарлама іске қосылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда қала басшысы Ерболат Досаевтың тапсырмасымен алғаш рет зейнет жасындағы адамдарды жұмысқа орналастыру бойынша «Алтын жас» бағдарламасы енгізіледі. Бағдарламаның мақсаты- жұмыспен қамтуды арттыру және тәлімгердің рөлін нығайту. Зейнеткерлерге жалақының 50% жұмыс беруші төлейді, қалғаны жергілікті бюджеттен субсидияланады, бірақ ол ең төменгі жалақыдан аспайды (2024 жылы – 85 мың теңге). Зерттеу зейнет жасындағы адамдарды денсаулық сақтау, білім беру және өнеркәсіп саласында жұмысқа орналастырудың қажеттілігін анықтады. Сауалнама қорытындысы бойынша зейнеткерлер қоғамға көмектесу, тәлімгер болу, қосымша табыс табу секілді әртүрлі себеппен жұмыс істегісі келеді екен. «Алтын жас» егде жастағы адамдардың қоғамда белсенді болуға көмектесетін Германия мен Жапония сияқты басқа елдердің тәжірибесіне негізделген.14-06-2024, 12:54
Алматыда зейнеткерлерді жұмысқа орналастыру бойынша бағдарлама іске қосылды
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз