«Таза Қазақстан» республикалық акциясы аясында Алматыдағы көппәтерлі тұрғын үйлердің аумағындағы апатты жағдайдағы ағаштарды санитарлық мақсатта кесу және алып тастау басталады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
29 мамырдан 29 маусымға дейін халықтың әлеуметтік осал тобына жататын жалғызбасты азаматтардың жеке үйінің ауласындағы ағаштар санитарлық мақсатта кесіледі. Ұлы Отан соғысының ардагерлері, зейнеткерлер, 1-ші, 2-ші топтағы мүгедек адамдар және жалғызбасты аналар Алматының Жұмыспен қамту және әлеуметтік бағдарламалар басқармасына 338-30-24 телефон нөмірі бойынша өтініш бере алады. Аудан әкімдігі аумақты зерттегеннен кейін іске кіріседі. Қолайсыз ауа-райы кезінде құлауы мүмкін апатты жағдайдағы ағаштарды кесіп алып тастауға баса назар аударылады. Ауру, қураған, қисайып тұрған апатты ағаштар оталып, орнына 10 есе көп мөлшерде көшет отырғызылады.29-05-2024, 16:25
Алматыдағы «Таза Қазақстан»: апатты жағдайдағы ағаштардың бұтағын санитарлық мақсатта кесу және түбімен отап тастау
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз