Астанадағы экоакцияға 70 елшілік пен халықаралық ұйым қатысты, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Елордада «Таза Қазақстан: Астана – тазалық пен тәртіптің үлгісі» ауқымды экологиялық акциясы өтіп жатыр. Бұл апталық «Жасыл аймақ» ұранымен ағаш отырғызу, ақтау, т.б. шараларға арналып отыр. Экоакцияға 70-ке жуық шетелдік елшіліктер мен халықаралық ұйымдар қолдау көрсетті. Олардың арасында Жапония, Түркия, Ресей, т.б. елшіліктері ағаш отырғызып, аумақты абаттандырды.
Экоакцияға қатысушылар өз аумақтарын белсенді түрде көгалдандырды.
Естеріңізге сала кетейік, ауқымды экологиялық акция аясында қаланы, нөсер және арық кәріз желілерін санитарлық тазалау, көшелерді, тротуарларды, кварталішілік аумақтарды, қоғамдық орындар мен аулаларды тазалау жұмыстары да жүргізіліп жатыр.Сондай-ақ, жасыл желектерді күтіп-баптау және көгалдандыру, сауда нысандарына іргелес аумақтарды тазалау, көгалдар мен гүлзарларды ретке келтіру, рұқсат етілмеген қоқыстарды жою және т.б. жүргізіліп жатыр.