Шымкент қаласы жұмыспен қамту және әлеуметтік қорғау басқармасына қарасты 11 арнаулы әлеуметтік қызметтер көрсету орталығы бар. Оңалту орталықтары психоневрологиялық ауытқуы бар, тірек-қимыл аппараты функциялары бұзылған мүгедек балаларға, 18 жастан асқан психоневрологиялық ауруы бар азаматтарға, өзіне-өзі қызмет көрсете алмайтын жалғызілікті І-ІІ топтағы мүгедектер мен қарттарға стационар және жартылай стационар негізінде қызмет көрсетеді.
Сондай-ақ ерекше балаларға үй жағдайында арнаулы қызмет түрлерін көрсету мемлекеттік мекемелерге балама ретіндегі үкіметтік емес ұйымдары арқылы жүзеге асырылады. Шымкент қаласы бойынша бұл бағытта 8 ұйым бар. Үкіметтік емес ұйымдары әлеуметтік сатып алу шеңберінде жартылай стационарлық жағдайында қызмет көрсетуде.
Бүгін Шымкент қаласы жұмыспен қамту және әлеуметтік қорғау басқармасының басшысы Жанат Өтебаева арнаулы әлеуметтік қызметтерді көрсететін үкіметтік емес ұйым басшыларын қабылдап, қызмет сапасын арттыру және қаржыландыруға қатысты бірқатар мәселелерді талқылады. Басқарма басшысы ұйым басшыларынан бірінші кезекте мүгедектігі бар балаларға сапалы қызмет көрсетуді талап ететіндігін баса айтты. Бүгінгі таңға Үкіметтік емес ұйымдарында 500-ге жуық бала қызмет алуда. Жалпы, Шымкент қаласы бойынша 8000-ға жуық мүгедектігі бар бала есепте тұрады.
Айта кетейік, 2023 жылғы 1 шілдеден бастап Қазақстан Республикасының Әлеуметтік кодексін іске асыру шеңберінде халыққа әлеуметтік қызмет көрсету жүйесін жаңғырту басталған болатын. Оның басты мақсаты – мүгедектігі бар адамдар үшін арнаулы әлеуметтік қызметтердің қолжетімділігін арттыру.
Жаңғырту бағыттарының бірі өтініш берушіден арнаулы әлеуметтік қызмет көрсетудің проактивті форматына көшу болып табылады. Халықтың АӘҚ-ға қажеттілігі азаматтардың өтінішін күтпей, Отбасының цифрлық картасының көмегімен автоматты түрде айқындалатын болады. ОЦК базасында қажеттілік карталары қалыптастырылады, мұқтаждар санаттары және оларды проактивті форматта көрсете отырып, қызметтердің қолжетімділігі айқындалады.
Сондай-ақ Әлеуметтік кодекс шеңберінде ірі интернат-үйлерде қызмет көрсетуден шағын жинақталған әлеуметтік қызмет көрсету ұйымдарында қызмет көрсетуге көшу жүзеге асырылатын болады.
20-12-2023, 10:47
Шымкент: Басқарма басшысы арнаулы әлеуметтік қызмет көрсететін ұйым басшыларын қабылдады
Фото: Шымкент қаласы әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз