Күршім ауданындағы Бұқтырма су қоймасында, "Қызыл ту" паром өткелінің жанында 1966 және 1956 жылы туған екі балықшы соққан желдің салдарынан резеңке қайықпен аударылып қалған, деп хабарлайды kazlenta.kz тілшісі ШҚО ТЖД баспасөз қызметіне сілтеме жасап.
Жақын жерде болған паром қызметкерлері: басқарушы Қадылбек Жармұхамбетов, капитан Серік Дүкетаев, механик Александр Устинов, моторист Кахарман Әбікенов, матрос Людмила Кроюкова және электрик Оқасов Қудайберген құтқарушылар келгенге дейін балықшыларды құтқару шеңберінің көмегімен судан алып шығарды. Ер адамдар медициналық көмекке мұқтаж болмады және жағалауға шыққаннан кейін Алтай қаласында жеке көлігімен кетіп қалды.
ШҚО ТЖД қауіпсіздік шараларының сақталуы туралы бірнеше рет хабардар етті. Алайда, балықшылар төтенше жағдайға тап болды, өйткені олар төтенше жағдайлар қызметінің ұсыныстарына тиісті назар аудармай, немқұрайлы қараған.
ШҚО ТЖД азаматтардан қырағы болуды сұрайды. Балық аулаймын деп өз өміріңізге қауіп төндірмеңіз. Жел кезінде және түнде жүзу құралдарымен су бетіне шықпаңыз. Құтқару кеудешелерін киіңіз. қайықты шамадан тыс жүктемеңіз.
Төтенше жағдайлар кезінде 112 нөмірі бойынша хабарлау қажет.