Шығыс Қазақстан облысында моторлы қайықпен өзенге шығып, жоғалып кеткен екі ер адам құтқарушылар тауып алды, деп хабарлайды өңірдің төтенше жағдайлар департаментіне сілтеме жасаған Kazlenta.kz.
Ведомство мәліметінше, құтқарушылар жоғалған азаматтарды Белопорожка өзенінің жағасынан тапқан. Белгілі болғандай, суға шыққаннан кейін жергілікті тұрғындардың моторлы қайығы істен шыққан. Құтқарушылар табылған екі ер адамды Қарағожиха ауылына жеткізгенін атап өтті.
Жергілікті тұрғындардың жарақат алмағаны, медициналық көмекке мұқтаж болмағаны анықталды. Құтқарушылар азаматтарға судағы қауіпсіздік шараларын тағы да еске салды. Олар қазақстандықтардан өз өміріне қауіп төндірмеуді және қауіпті бағытты таңдамауды сұрады.
13-06-2022, 11:54
ШҚО-да моторлы қайықпен өзенге кетіп, оралмаған кеткен екі ер адам табылды
Егер мәтінде қате байқасаңыз, оны таңдап, Ctrl+Enter пернелерін басыңыз