Ұлан ауданында Шалқар көлінде 6 адам Sup-тақтаға мінген. Ауа-райы күрт өзгеріп, жел тұрды. Экстремалды әуесқойлар қарама-қарсы жағалауда қалып, өз бетінше орала алмады, деп хабарлайды kazlenta.kz тілшісі ШҚО ТЖД баспасөз қызметіне сілтеме жасап.
Осы уақытта олар үрейлене бастады. Көмек алу үшін адамдар құтқарушыларға жүгінді.
ШҚО ТЖД Жедел-құтқару жасағының қызметкерлері қайықпен келіп, 1996 және 2004 жылы туған екі жігітті, сондай-ақ 1980 жылы туған әйелге құтқару кеудешелерін кигізіп, жағаға дейін жеткізді.
Тағы үш азамат жағаға жаяу баруды жөн көрді.