АҚШ-тың Орегано штатына қарасты Юджин қаласында жеңіл атлетикадан өтіп жатқан әлем чемпионатында Қазақстан тұңғыш рет алтын медаль алды, деп хабарлайды KAZ.NUR.KZ-ке сілтеме жасаған Kazlenta.kz
Бүгін 3000 метрге кедергілер арқылы жүгіруден финалдық бәсеке өтті. Бұл сында Қазақстан намысын қорғаған кениялық легионер Нора Джеруто мәреге бірінші болып келіп, елімізге жеңіл атлетикадан әлем чемпионатының "алтынын" сыйлады.
Бұл - Қазақстанның жеңіл атлетика тарихындағы бірінші алтын медалі. Ақтық сында Нора Джеруто мәре сызығын 8:53.02 аралығында кесіп өткен. Екінші орын эфиопиялық желеаяқ Веркуха Гетачьюге (8:54.61), үшінші орын оның отандасы Мекидес Абебеге (8:56.08) бұйырды.
Айта кетейік, Кения тумасы Нора Джеруто елімізге 2017 жылы келді. 2022 жылы Қазақстан атынан әлемдік додаларға қатысуға рұқсат алды.
21-07-2022, 13:26
Қазақстан алғаш рет жеңіл атлетикадан әлем чемпионатында топ жарды
Егер мәтінде қате байқасаңыз, оны таңдап, Ctrl+Enter пернелерін басыңыз