Ru  Kz
Барлық жаңалықтар

Президент Қазақстан халқы нақты өзгерістерді қазір қалайтынын жеткізді

Президент Қазақстан халқы нақты өзгерістерді қазір қалайтынын жеткізді
Фото: Ақорда

ҚР Президенті Қасым-Жомарт Тоқаев Ұлытаудағы Ұлттық құрылтайда конституциялық реформа жалғасатынын мәлім етті, деп хабарлайды ҚазАқпарат-қа сілтеме жасаған Kazlenta.kz. 

«Конституциялық өзгерістер, осылайша, кезең-кезеңімен қолданыла бермек. Жаңарған Конституция толыққанды қолданысқа енуі үшін әлі көп жұмыс істеуіміз керек. Біз 20-дан астам жаңа заң жобасын әзірлеп, қабылдауымыз қажет», - деді Мемлекет басшысы. Президент сондай-ақ, сайлау туралы, саяси партиялар туралы және басқа да бірқатар заңдар өзгеретінін ерекше атады. «Сайлау туралы, саяси партиялар туралы және басқа да бірқатар заңдарды өзгертеміз. Бұл елді табысты жаңғырту тұрғысынан өте маңызды. Заңдарды қабылдау үшін бірнеше ай, тіпті, жарты жыл уақыт қажет болуы мүмкін. Бірақ, реформаны созып, арқаны кеңге салуға болмайды. Жұрт нақты өзгерістердің қазір болғанын қалайды.

Сондықтан, депутаттарымыз негізгі заң жобаларын осы кезден жинақтай беруі керек. Сосын күзгі сессия басталғанда бірден іске кіріскен жөн. Басты заңдар жыл соңына дейін қабылдануға тиіс. Сонда ғана жан-жақты жаңғыруды жоғары қарқынмен жалғастыра аламыз», - деді Қасым-Жомарт Тоқаев. Айта кетейік, Президент Ұлытау облысындағы жұмыс сапары аясында Ұлттық құрылтайдың алғашқы отырысына қ атысып жатыр. Кеше Мемлекет басшысының Ұлттық құрылтай құру туралы Жарлығы жарияланды. Ұлттық құрылтайдың қазіргі құрамында Мәжіліс депутаттары мен ҚХА мүшелерінен, азаматтық қоғам мен саяси партия өкілдерінен, сарапшылар мен өңірлердегі қоғамдық кеңес мүшелерінен, кәсіпкерлерден жасақталған 117 адам бар.

Солардың бір парасын атасақ, ақын Мұхтар Шаханов, қазақтың тұңғыш ғарышкері Тоқтар Әубәкіров, академик Асқар Жұмаділдаев, экономист Жақсыбек Күлекеев, саясаткер Әлихан Бәйменов, журналист, медиа-менеджер, қоғам қайраткері Ермұрат Бәпи, Парламенттің бірнеше шақырылымының депутаты Нұртай Сабильянов, балуан Дәулет Тұрлыханов, ғалым-биотехнолог Күнсұлу Закария, дінтанушы Қайрат Жолдыбай, ғалым Анар Фазылжанова сияқты есімдер бар. Мемлекеттік кеңесші Ерлан Қариннің жазбасына сүйенсек, келешекте құрылтай жұмысына қатысушылар ауыстырылып отыруы мүмкін.


скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Юрий Шатуновтың бақилық болар алдында жазған соңғы әні жарық көрді
Әнші Дидар Кәденнің жұбайы өнер иесіне қыз сыйлады
"Ирина Кайратовна" тобының мүшесі шаңырақ көтерді
Майра Ілиясова Бибігүл Төлегеноваға ерекше құрмет көрсетті
Әнші Ералхан Әбішевтің не себепті сахнадан көрінбей кеткені белгілі болды
Мультимедиа
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты
Елордалық полицейлер ақша салынған сөмкенің ұрлығын ашты
Ақмолалық полицейлер жасырын есірткі зертханасын жойды