Алматылықтарға шетелдік көліктерді заңдастыруға “көмектесуге” уәде берген күдікті ұсталды, – деп хабарлайды kazlenta.kz тілшісі Polisia.kz сайтына сілтеме жасап.
29 жастағы А.есімді азамат бұдан басқа жүргізуші куәлігін де алуға “көмектесуді” ұсынған. Күдікті өз қызметін 250 мың теңгеге және одан да жоғары бағалаған.
– Біздің бөлімшеде алаяқтық дерегі бойынша осыған ұқсас 4 арыз тіркелді. Жедел шаралар қолданылып, күдікті ұсталды. 29 жастағы А.есімді азаматқа қатысты ҚР ҚК-нің 190-бабы бойынша қылмыстық іс тергелуде. Қазір тергеушілер ұсталған азаматтың бұрын жасалған осыған ұқсас қылмыстарға қатысы бар-жоғын тексеріп жатыр. А.есімді азамат қамауға алынды, – деді Медеу аудандық ПБ-ға қарасты полиция бөлімінің бастығы Әбдінұр Тасыбаев.
ҚР ҚПК-нің 201-бабына сәйкес өзге ақпараттар тергеу мүддесіне орай жариялауға жатпайды. ҚР Конституциясының 77-бабының 3-тармағының 1-тармақшасына және ҚР ҚПК-нің 19-бабы 1-бөлігіне сәйкес, заңды күшіне енген сот үкімімен белгіленгенге дейін әрбір адам қылмыстық құқық бұзушылық жасауда кінәсіз деп танылады.
Алматы қалалық полиция Департаменті Баспасөз қызметі