Ақмола полицейлері жанар-жағармай материалдарын ұрлау ісін тергеп жатыр, – деп хабарлайды kazlenta.kz тілшісі Polisia.kz сайтына сілтеме жасап.
27 маусым күні Шортанды аудандық полиция бөлімінің кезекші бөліміне жергілікті ЖШС директорының 2023 жылғы мамыр айы мен 27 маусым аралығында 2500 тонна жанар-жағармай материалдарының жоғалғаны туралы өтініші келіп түсті.
Осы іске қатысты полицейлер ҚР ҚК-нің 188-бабы (Ұрлық) бойынша сотқа дейінгі іс жүргізуді бастады.
Жедел-іздестіру іс-шаралары барысында полицейлер ЖШС-ның барлық қызметкерлерінен жауап алды.
Нәтижесінде полицейлер осы ЖШС-да оператор болып жұмыс істеген 53 жастағы ер адамды анықтады. Оның іске қатысы тексеріліп жатыр. Тергеу әрекеттері жалғасып жатыр.