2023 жылғы 15 маусымда ҰҚК Өскемен қаласының ішкі істер органдарымен бірге өзара текетіресте жүрген екі қылмыстық топтың жоспарлап отырған кездесулерінің жолын кесті - деп хабарлайды kazlenta.kz тілшісі ҚР ҰҚК баспасөз қызметіне сілтеме жасап.
Операция барысында қала кафелерінің бірінде 20-дан аса қылмыстық топ қатысушылары ұсталды, кейбіреулері бұл жерге қаруларымен келген.
Күдіктілерден 2 «Макаров» тапаншасы, жарақаттаушы тапанша, мылтық, «тегіс ұңғылы шолақ мылтық», дауыс-жарқылды граната және 2 бірлік суық қару тәркіленді.
Жедел-тергеу іс-шаралары жалғасуда.