Жамбылдық полицейлер тонау дерегін әшкереледі, деп хабарлайды kazlenta.kz.
Ағымдағы жылдың 14 наурызында Қордай аудандық полиция бөлімінің «102» арнасына 37 жастағы азаматша белгсіз ер адамның дәмхана есігінің терезесін сындыру арқылы заңсыз кіріп, күш қолдану арқылы әшекей бұйымдарын, кассада тұрған 13 000 теңге қаражатын, 5 дана алкоголь және темекі өнімін алып кеткені туралы хабарлады.
Жалпы келтірілген шығын құны 137 000 теңгені құрады.
Аталған дерекке қатысты ҚР ҚК-нің 191-бабының 3-бөлігі 3-тармағымен (Тонау) сотқа дейінгі тергеу амалдары басталды. Бапқа сәйкес мүлкi тәркiленіп, бес жылдан он жылға дейiнгi мерзiмге бас бостандығынан айыру түріндегі жаза көзделген.
Жедел-іздестіру іс-шараларын жүргізу нәтижесінде полиция қызметкерлерімен 36 жастағы Шымкент қаласының тұрғыны анықталды.
Күдікті кінәсін толық мойындады, қазіргі таңда ол Қордай аудандық полиция бөлімінің уақытша ұстау изоляторында қамақта.