«Самұрық-Энерго» АҚ-ның «жасыл» активтері жеке компания болып бөлініп шықты. Бұл туралы бүгін «Самұрық-Энерго» АҚ Басқарма Төрағасы Серік Түйтебаев «Самұрық-Қазына» қоры Қоғамдық кеңесінің отырысында мәлімдеді, деп хабарлайды kazlenta.kz тілшісі «Самұрық-Энерго» АҚ Баспасөз қызметіне сілтеме жасап.
2022 жылғы 4 қарашада АХҚО юрисдикциясында Qazaq Green Power жаңа компаниясы тіркелді. 2024 жылы оны IPO-ға шығару жоспарлануда.
Серік Түйтебаевтың пікірінше, «жасыл» компанияны құру ЖЭК-ті дамытуға инвестиция тартады, жаңа жоғары білікті жұмыс орындарын құрады, бірыңғай холдингте «жасыл» активтерді шоғырландыру нәтижесінде дәстүрлі генерациямен қарама-қарсы субсидиялау тәуекелдерін азайтады.
«Самұрық-Энерго»АҚ - Қазақстандағы аса ірі электр энергетикалық холдинг, оның 100% акциясы «Самұрық-Қазына» ҰӘҚ» АҚ-ға тиесілі. 2007 жылы құрылған. Қызметінің негізгі бағыттары: электр және жылу энергиясын өндіру; электр энергиясын беру, бөлу және өткізу; энергетикалық көмір өндіру. Холдингтің құрамына энергетикалық және көмір кәсіпорындары, оның ішінде «Екібастұз МАЭС-1» ЖШС, «Екібастұз МАЭС-2 станциясы» АҚ, «Богатырь Көмір» ЖШС, «Алматы электр станциялары» АҚ, «Мойнақ ГЭС» АҚ, «Шардара ГЭС» АҚ және т. б. кіреді.