Globalproductprices нұсқасы бойынша, жады 128 ГБ iPhone 14 бағасының жаһандық рейтингінде Қазақстан 74 елдің ішінде 10-орын алып, мұндай телефонды сатып алу ең қымбат елдердің қатарына кірді. Аталған телефон құны ҚР-да 1,2 мың АҚШ доллары, деп хабарлайды kazlenta.kz finprom.kz сайтына сілтеп.
Ең қымбат iPhone 14 Нигерия, Түркия және Бразилияда: сәйкесінше 1,7 мың, 1,6 мың және 1,5 мың АҚШ доллары. Гаджетті сатып алатын «ең арзан» елдер АҚШ (799 АҚШ доллары), Канада (807 АҚШ доллары) және Макао (854 АҚШ доллары) болды.
Бұл ретте рейтингте қарастырылған ТМД елдерінің ішінде Әзірбайжан мен Украина* ҚР-дан жоғары болды, мұнда жады 128 ГБ iPhone 14 сәйкесінше 1,4 мың және 1,3 мың АҚШ доллары тұрады.
Қазақстаннан сәл арзанырақ құрылғыны Ресей мен Өзбекстанда сатып алуға болады: 1,1 мың АҚШ долларына.
* Украина бірқатар себептерге байланысты ТМД-да даулы мәртебеге ие.
Comparedial.com мәліметінше, қазақстандықтар iPhone 14 сатып алу үшін жылдық жалақысының 20,1%-ын жұмсауы керек. Бұл көрсеткіш бойынша, яғни жалақыдан гаджетке жұмсалған шығын көлемі бойынша Қазақстан әлемдегі 76 елдің ішінде 24-орында.
Ескерту: iPhone 14 (жоғарыдағы рейтинг бойынша) ең қымбат ел Нигерияда азаматтар сол телефонды алуға жалақысының үштен екісінен астамын (69,1%) төлеуге мәжбүр. Сонымен қатар, смартфон ең арзан АҚШ азаматтары жылдық жалақының 1,8%-ын ғана жұмсайды. Сондықтан, мәселе тек бағада ғана емес, сонымен қатар халықтың табысында да.
Нигериядан басқа, Кения мен Бангладеш сол елдің халқына ең қымбат елдер, ал Люксембургте, Швейцарияда және АҚШ-та сатып алу табысқа шаққанда ең арзан.
ТМД елдерінің ішінде ҚР-дан басқа рейтингке Армения ғана енген. Мұнда жағдай Қазақстандағыдан да нашар: азаматтар жылдық жалақысының 46%-ын жұмсауға мәжбүр.
Биылғы 27 ақпанындағы жағдай бойынша ақ түсті iPhone 14-ті ҚР-ның ірі желілерінен* жад көлеміне байланысты мына бағамен сатып алуға болады: 128 ГБ — 480 мың теңгеге, 256 ГБ — 550 мың теңге, 512 ГБ — 700 мың теңге. Сонымен қатар, ҚР-ның әр түрлі маркетплейстерінде бірдей смартфондарды түрлі бағамен табуға болатынын атап өткен жөн.
2023 жылдың ақпан айының соңында, statcounter мәліметінше, Samsung қазақстандық смартфондар нарығындағы ең үлкен үлесті иеленді: 31,58%. Apple смартфондарының үлесі сәл ғана қалып, 31,5% болды. Үздік үштікті Xiaomi құрылғылары түйіндеді: 18,22%.
Сонымен қатар, Samsung брендінің қазақстандық нарықтағы үлесі 2017 жылдың бірінші тоқсанындағы шарықтау шегінен кейін (ол кезде көрсеткіш 48,25%) жылдан-жылға азайып келеді. Бұл ретте Apple-дің нарықтағы үлесі өсіп жатыр (2020 жылы 19,51% болған).
Қытайлық Xiaomi бренді жергілікке нарыққа әлдеқашан енген. Бренд смартфондарының үлесі 2015 жылдың бірінші тоқсанында небәрі 0,09%, 2018 жылы бірден 4,65%, 2019 жылы 10,43% болды. Дегенмен, әлі де екі көшбасшыдан тым алыс.
* Mechta, Sulpak, Technodom және Alser желілері қарастырылды
