Түркияның Кахраманмараш провинциясында зілзаладан көз жұмған адамдар саны 3381 адамға жетті, 20426 адам жарақат алды, деп хабарлайды kazlenta.kz ҚазАқпаратқа арнасына сілтеп.
Оқиға орнында 24 мыңнан аса құтқарушы күні-түні жұмыс жүргізіп жатыр. Бұған дейін Түркияның вице-президенті Фуат Октай үйінділер астынан 7840 адам құтқарылғанын хабарлаған еді. Жатақханаларда, университеттерде және баспаналарда 338 000 адам орналастырылған.
Президент Режеп Тайып Ердоған Түркияда апат құрбандары үшін 7 күндік Жалпыұлттық аза тұту туралы жариялады. Тағы да сілкіністер қаупі болғандықтан, Түркия билігі халыққа үйлеріне қайта бармауға кеңес береді.
7-02-2023, 13:51
Түркияда жер сілкісінен қаза тапқандар саны сағат сайын өсуде
Егер мәтінде қате байқасаңыз, оны таңдап, Ctrl+Enter пернелерін басыңыз