Бұрқасын, тұман, көктайғақ: еліміздің бірқатар облыстарында дауылдық ескерту жарияланды

"Қазгидромет" РМК өкілдері Қазақстанның бірнеше облысында ауа райының қолайсыздығына байланысты дауылдық ескерту жариялады, деп хабарлайды kazlenta.kz

Синоптиктердің болжамынша, 10 қарашада Қарағанды облысының солтүстігінде, шығысында бұрқасын, көктайғақ күтіледі. Қарағанды қаласында да 10 қарашада көктайғақ болуы ықтимал. 10 қарашада Ақмола облысының батысында, солтүстігінде, оңтүстігінде бұрқасын, көктайғақ, тұман күтіледі. Сондай-ақ өңірде оңтүстік-батыстан жел соғып, күндіз облыстың солтүстігінде, шығысында екпіні 15-20 м/с-қа дейін жетуі мүмкін. 10-12 қарашада Қызылорда облысының солтүстігінде тұман, 10 қарашада Шығыс Қазақстан облысының солтүстігінде, шығысында көктайғақ күтіледі.

10 қарашада Астана қаласында да кей уақытта көктайғақ болуы ықтимал. 10 қарашада түнде және таңертең Абай облысының батысында, оңтүстігінде тұман, солтүстігінде, батысында көктайғақ күтіледі. 10-11 қарашада түнде және таңертең Түркістан облысының оңтүстігінде, батысында, таулы және тау бөктерлі аудандарында, түнде кей уақытта Шымкент және Түркістан қаласында тұман күтіледі. 10 қарашада күндіз Павлодар облысының солтүстігінде бұрқасын болып, оңтүстік-батыстан жел соғып, облыстың солтүстігінде, батысында күндіз екпіні 15 м/с-қа дейін жетуі ықтимал. 10 қарашада түнде және таңертең Ақтөбе облысының солтүстігінде, оңтүстігінде, орталығында тұман күтіледі.

Сонымен қатар, 10 қарашада күндіз Солтүстік Қазақстан облысының басым бөлігінде қар жауып, облыстың солтүстігінде, оңтүстік-батысында бұрқасын, көктайғақ болуы мүмкін. Одан бөлек, өңірде оңтүстік-батыстан жел соғып, облыстың солтүстігінде, оңтүстік-батысында екпіні 15-20 м/с-қа дейін жетуі ықтимал. 10 қарашада Петропавл қаласында да күндіз бұрқасын, көктайғақ болып, оңтүстік-батыстан жел соғуы ықтимал. Күші 15-20 м/с. 10 қарашада Қостанай облысының оңтүстігінде, шығысында көктайғақ, тұман, облыстың солтүстігінде, батысында бұрқасын күтіледі. Сонымен бірге оңтүстік-батыстан жел соғып, күші облыстың солтүстігінде, батысында 15-20 м/с-қа дейін жетуі мүмкін. скачать dle 11.1смотреть фильмы бесплатно