Бүгін Жамбыл облысының таулы аудандарына тұман түседі. Солтүстік-шығыстан жел соғады, деп хабарлайды kazlenta.kz Қазгидрометке сілтеме жасап.
Таңертең және күндіз Алматы облысының таулы, тау етегіндегі аудандарында тұман, солтүстігінде және шығысында 15-20 м/с солтүстік-батыс желі күтіледі. Қызылорда облысында шығыстан жел соғады, күндіз облыс орталығында екпіні 15-20 м/с болады. Синоптиктер осы күні Ақмола облысының батысында, солтүстігінде, шығысында тұман түсіп, көктайғақ болады деп болжады. Түнде Маңғыстау облысының батысында, күндіз орталығында қатты жаңбыр жаууы мүмкін. Шығыстан, солтүстік-шығыстан жел соғады.
«28 қазанда Атырау облысының батысында, оңтүстігінде оңтүстік-шығыстан жел соғады, екпіні - 15-20 м/с. Батыс Қазақстан облысында жел оңтүстік-шығыстан соғады, күндіз солтүстік-батысында, оңтүстігінде екпіні 15-20 м/с болады.
Ал Астана қаласында түнде тұман, көктайғақ күтіледі», - деп жазды ведомстводан.
Бүгін түнде және таңертең Түркістан облысының оңтүстігінде және таулы аудандарында тұман түседі. Шығыстан жел соғады, күндіз таулы аудандарда күші 15-20 м/с дейін барады. Түнде Абай облысының солтүстігінде, батысында, орталығында тұман, көктайғақ, жаяу бұрқасын күтіледі. Оңтүстік-батыстан соғатын жел солтүстік-батысқа ауысады, түнде облыстың солтүстігінде, батысында, орталығында екпіні - 15-20 м/с. 28 қазанда түнде Шығыс Қазақстан облысының солтүстік-шығысында қатты жауын-шашын (көбінесе қар) болады. Облыстың солтүстігінде, шығысында тұман, көктайғақ, жаяу бұрқасын күтіледі.
Түнде және таңертең Солтүстік Қазақстан облысының оңтүстігінде тұман түседі. Батыстан, оңтүстік-батыстан жел соғады, түнде облыстың шығысында, күндіз облыстың солтүстігінде, батысында, шығысында екпіні 15-20 м/с дейін барады. Павлодар облысында да көктайғақ, жаяу бұрқасын сақталады. Батыстан жел соғады.