Алдағы аптада мемлекет басшысы Қасым-Жомарт Тоқаев бірқатар халықаралық іс-шараға қатысады, деп хабарлайды президент баспасөз қызметінің БОРТN1 Telegram-арнасы.
Мемлекет басшысының баспасөз қызметінің хабарлауынша, 11-12 қазанда Қатар әмірі шейх Тәмим бен Хамад Әл Танидың Қазақстанға мемлекеттік сапары жоспарланған. Ал 12-13 қазанда Түркия президенті Режеп Тайип Ердоған елімізге мемлекеттік сапармен келеді. Жоспар бойынша 13 қазанда Қасым-Жомарт Тоқаевтың төрағалығымен Азиядағы өзара ықпалдастық және сенім шаралары жөніндегі кеңестің VI саммиті өтеді.
Шара аясында Президент мемлекеттер мен үкіметтер басшыларымен, сондай-ақ халықаралық ұйымдардың жетекшілерімен бірқатар екіжақты кездесу өткізеді. Сондай-ақ 14 қазанда елордамызда президент Қасым-Жомарт Тоқаевтың төрағалығымен ТМД мемлекеттері басшылары кеңесі және "Орталық Азия – Ресей" саммиті жоспарланған.
А️л 15 қазанда Қазақстанға Түрікменстан президенті Сердар Бердімұхамедов мемлекеттік сапармен келеді.
9-10-2022, 10:08
Мемлекет басшысы алдағы аптада қандай халықаралық іс-шараларға қатысады
Егер мәтінде қате байқасаңыз, оны таңдап, Ctrl+Enter пернелерін басыңыз