Теннистен Шотландияның Глазго қаласында өтіп жатқан Дэвис Кубогының топтық кезеңіндегі екінші ойында да Қазақстанның ерлер құрамасы жеңіліп қалды, деп хабарлайды KAZ.NUR.KZ.-ке сілтеме жасаған kazlenta.kz
Екінші матчта Қазақстан АҚШ құрамасымен кездесті. Михаил Кукушкин алғашқы кездесуде Томми Полдан 1:6, 4:6 есебімен ұтылды. Еліміздің бірінші ракеткасы Александр Бубликте есе қайтаратын мүмкіндік болғанымен, үш сетке созылған текетіресте Тэйлор Фрицтің бағы жанды. Есеп: 6:7 (6:8), 6:1, 3:6. Шешуші кездесу жұптық сайыста өтті.
Бұл сында отандастарымыздың жолы болып, Александр Недовесов пен Александр Бублик 6:2, 7:6 (8:6) есебімен Раджив Рама/Джек Сок жұбынан айласын асырды. Осылайша Қазақстан құрамасы D тобында екінші рет жеңіліске ұшырады. Бұған дейін отандастарымыз Нидерланды құрамасына есе жіберген еді. Айта кетейік, Қазақстан құрамасы шешуші кездесуін 18 қыркүйекте Ұлыбританияға қарсы өткізеді.
18-09-2022, 13:13
Дэвис Кубогы: Қазақстан құрамасы АҚШ-тан ұтылып қалды
Егер мәтінде қате байқасаңыз, оны таңдап, Ctrl+Enter пернелерін басыңыз