Футзалдан Қазақстан құрамасы әлем чемпионатының жартылай финалына шықты, деп хабарлайды Olympic.kz.
Қазақстан құрамасы әлем чемпионатының ширек финалында Иранға қарсы ойнады. Екеуара кездесу тартысты өтті. Нәтижесінде, ел құрамасы қарсылас команданы 3:2 есебімен ұтып, жартылай финалға жолдама алды.
Айта кетерлігі, кездесудің бірінші таймы қарсылас команданың еншісіне шешіліп, Қазақстан 2:0 есебімен есе жіберді.
Алайда екінші таймда отандастарымыз 3 гол соғып, Иран құрамасынан жеңісті жұлып алды.
Үзілістен кейін Иран қақпашысы Алиреза Самими өз қақпасына гол соғып, есеп ашса, 29 минутта қазақстандық шабуылшы Арнольд Кнауб есепті теңестірді. Ал 39 минутта Тайнан жеңіс голын соқты.
Енді Қазақстан құрамасы 30 қыркүйек күні әлем чемпионатының жартылай финалда Португалиямен кездеседі.