Қазақстан президенті Қасым-Жомарт Тоқаев Абай облысының өрт сөндірушілерін мемлекеттік наградамен марапаттау туралы Жарлыққа қол қойды, деп хабарлайды Ақорданың ресми сайтына сілтеме жасаған kazlenta.kz
ІІІ дәрежелі "Айбын" орденімен Тоғызбаев Айдос Ерұланұлы (марқұм) – Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің жүргізушісі Тұрлыбеков Амангелді Айтмұхашұлы – Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің бөлімше командирі; "Ерлігі үшін" медалімен Нұрлан Сәлімжан – Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің өрт сөндірушісі.
Айта кетейік, өрт сөндіруші Айдос Тоғызбаев Жарма ауданында орын алған тілсіз жауды сөндіру барысында қаза тапқан еді. 36 жастағы азаматтың артында бес баласы қалды. Ол бұл салада 2019 жылдан бері қызмет етіп келген.
12-09-2022, 14:37
Мемлекет басшысы өрт сөндіру кезінде күйік шалып, қаза тапқан Тоғызбаевты марапаттау туралы жарлыққа қол қойды
Егер мәтінде қате байқасаңыз, оны таңдап, Ctrl+Enter пернелерін басыңыз