Бүгін "Каменный карьер" ауылы от құшағында тұр. Қатты соққан жел әсерінен жалын ырық бермеуде. Елдімекенге бар-жоғы 50 метр ғана қалған.
"Мұнда құрғақ шөп пен бұта өртенуде. Сөндіруге облыстық төтенше жағдайлар департаментінен, орманшылардан, жергілікті атқарушы органдардан және полицияның жеке құрамының 19 техника мен 118 адам жұмылдырылды. Сондай-ақ, ауылды өрттен сақтап қалу үшін, Ұлттық Ұланның 401 сарбазы мен 41 техникасы көмекке келді. Өртті дереу сөндіруге жел кедергі келтіруде. Желдің екпіні секундына 15 метрге дейін жетті", - делінген Шығыс Қазақстан төтенше жағдайлар департаменті таратқан ақпаратта.
Мамандар өңірде өрт қаупі сақталып отырғанын жеткізді. Сондықтан жұрттан қауіпсіздік ережелерін қатаң сақтауды сұрайды.