Синоптиктер 4-6 тамыз күндеріне арналған ауа райы болжамын ұсынды, деп хабарлайды "Қазгидромет" РМК баспасөз қызметі.
Синоптиктердің болжауынша, алдағы тәулікте елдің оңтүстік жартысында күн күркіреп, жаңбыр жауады. Сондай-ақ алдағы тәуліктерде солтүстік аймақтарда құрғақ және шуақты ауа райы күтіледі, ал түнде салқын болуы мүмкін. Мамандардың мәліметіне сүйенсек, орталықта, шығыста және елдің оңтүстік жартысында жауын-шашын сақталады, ал таулы аймақтарда қатты жаңбыр жауады деп болжануда. Яғни күн күркіреп, бұршақ жаууы мүмкін, қатты жел соғуы ықтимал.
Ауа температурасының негізгі аясы: күндіз батыста +28 +34°С, оңтүстік-батыста +30 +38°С, солтүстік-батыста +25 +33°С, солтүстікте, шығыста +22 +28°С, орталықта +20 +25°С, оңтүстікте, оңтүстік-шығыста +28 +35°С шегінде, тауларға жақын аумақта +22°С болады деп күтілуде.
4-08-2022, 15:19
"Қатты жел, бұршақ": Алдағы күндері ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз