Синоптиктер 2-4 тамыз күндері Қазақстанда ауа райы қандай болатынын болжады, деп хабарлайды "Қазгидромет" РМК ресми сайтында.
Синоптиктердің мәліметінше, алдағы күндері Қазақстанның солтүстігінде қатты нөсерден кейін салқын ауа массаларына толы антициклон басымдық алып, тұман түсуі ықтимал.Ол қатты жаңбыр күтілетін фронтальды бөліктерді республиканың орталық, шығыс және оңтүстік-шығыс аймақтарына ауыстырады.
Осыған байланысты түнде ауа температурасы айтарлықтай төмендемек. Мамандар еліміздің оңтүстігінде жаңбыр болуы мүмкін екенін болжады. Ал таулы аймақтарда жауын-шашын толассыз жауады. Сонымен қатар алдағы күндері республика бойынша найзағай, бұршақ, дауыл, желдің күшеюі күтіледі
Қазақстанда 2-4 тамыз күндері ауа райы қандай болады:күндіз батыста +28 +33°С;оңтүстік-батыста +33 +38°С;солтүстік-батыста +18 +28°С;солтүстікте, шығыста және республиканың орталығында түнде сынап бағанасы +7 +12°С дейін төмендейді;елдің оңтүстігінде +25 +34°С;оңтүстік-шығыста +30 +35-тан +25 +30°С-қа дейін төмендейді, таулы аудандарда +22°С болады.
2-08-2022, 09:03
Қазақстанда алдағы күндері ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз