Алматы қаласы әкімінің орынбасары Абзал Нүкенов азаматтарды кезекті жеке қабылдау өткізіп, әлеуметтік қолдау, білім беру және азаматтардың құқықтарын қамтамасыз ету мәселелері бойынша өтініштерді қарады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Ауған соғысы және басқа да жергілікті қақтығыстар ардагерлерінің өкілдері коммуналдық қызметтерге ақы төлеу шығындарын өтеу, ардагерлерге арналған госпитальдарда орын бөлу, сондай-ақ бейінді мемлекеттік органдардың қарауын талап ететін өзге де мәселелерді көтерді.
Сондай-ақ жетім балаларды тәрбиелеу қызметтеріне ақы төлеу және тиісті басқармалардың жұмысына қатысты өтініштер қаралды.
Қабылдау қорытындысы бойынша барлық өтініштер жұмысқа алынды. Көтерілген мәселелер құзыреті мен қолданыстағы заңнама аясында тиісті басқармалармен бірлесіп пысықталады.