"Таза Қазақстан" акциясы аясында елорда аумағында санитарлық тазалықты қамтамасыз ету және қоршаған ортаны қорғау бағытындағы жұмыстар күшейтілді, – деп хабарлайды kazlenta.kz тілшісі Polisia.kz сайтына сілтеме жасап.
Қала аумағында абаттандыру талаптарын сақтау, тұрмыстық қалдықтарды белгіленбеген орындарға тастау фактілерінің алдын алу мақсатында тұрақты түрде рейдтік және профилактикалық іс-шаралар жүргізіліп жатыр. Кезекті бақылау барысында Е430 көшесі аумағында заңсыз қоқыс үйінділері анықталды. Аталған аумақта жиналған қалдықтар қала аумағының санитарлық жағдайына кері әсер етіп, қоршаған ортаға зиян келтірген.
Қолданыстағы заңнама талаптарына сәйкес, қоқысты белгіленбеген орынға тастау және абаттандыру қағидаларын бұзу фактісі бойынша Қазақстан Республикасының Әкімшілік құқық бұзушылық туралы кодексінің 505-бабының 2-бөлігі жауапты тұлғалар әкімшілік жауапқа тартылды. Сонымен қатар "Таза Қазақстан" республикалық экологиялық акциясы аясында жыл басынан бері қала аумағында 30 мыңнан астам құқық бұзушылық анықталды. Оның ішінде абаттандыру қағидаларын бұзу, қоқысты белгіленбеген орындарға тастау және санитарлық тазалық талаптарын сақтамауға қатысты фактілер бар. Полиция барша азаматты қоршаған ортаны таза ұстауға, қоқысты тек арнайы белгіленген орындарға тастауға және абаттандыру талаптарын сақтауға шақырады.