Түркістан облысында абаттандыру қағидаларын бұзғандар жауапқа тартылды, — деп хабарлайды kazlenta.kz тілшісі Polisia.kz сайтына сілтеме жасап.
Сайрам ауданында “Таза Қазақстан” акциясы аясында қоғамдық қауіпсіздік бөлімінің учаскелік полиция инспекторлары Манкент ауылының тұрғындарымен кездесіп, аулалар мен көшелерді аралау кезінде абаттандыру қағидаларын сақтау бойынша түсіндіру жұмыстарын жүргізді. Сонымен қатар көшелерді тексеру барысында Манкент ауылының тұрғыны ассенизаторлық жүк көлігімен 8 тонна тұрмыстық қалдықтарды белгіленбеген жерге төккені анықталды.
Аталған дерек бойынша азаматқа қатысты шара көріліп, тұрмыстық қалдықтарды белгіленбеген жерге төккен тұрғын жауапкершілікке тартылды. Полиция қызметкерлері тұрғындарды қоршаған ортаны таза ұстауға, абаттандыру талаптарын сақтауға және тұрмыстық қалдықтарды арнайы белгіленген орындарға шығаруға шақырады.