Премьер-министрдің бірінші орынбасары Нұрлыбек Нәлібаев Қытай Халық Республикасының Қазақстан Республикасындағы елшісі Хань Чуньлиньмен кездесу өткізді. Кездесу барысында өнеркәсіп, құрылыс, энергетика салаларындағы қазақ-қытай ынтымақтастығының қазіргі жай-күйі, бірлескен бастамаларды жүзеге асыру барысы, оларды одан әрі нығайтудың перспективалық бағыттары қаралды, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Нұрлыбек Нәлібаев Қазақстан мен Қытай арасындағы қарым-қатынастардың стратегиялық сипатын атап өтіп, екі ел арасындағы ынтымақтастықты одан әрі дамытуда зор әлеуетін атап өтті.
Тауар айналымының көлемін жай ғана ұлғайтудан оның құрылымын сапалы өзгертуге көшудің маңыздылығын, терең өңделген өнімдердің, машина жасау, химия, фармацевтика, жеңіл өнеркәсіп өнімдерінің өзара саудасын кеңейту қажеттілігіне назар аударды.
Өз кезегінде Хань Чуньлинь екіжақты қарым-қатынастардың даму қарқынына жоғары баға беріп, биыл жоғары деңгейде өткен сапарларды ерекше атап өтті. Қытай тарапының өзара тиімді әріптестікті одан әрі дамытуға дайын екенін растады.
Кездесудің соңында тараптар екіжақты өзара ықпалдасудың өзекті мәселелері бойынша байланыстарды қолдауға келісті.