Алматылықтар аты аңызға айналған Ан-225 «Мрия» ұшағын видеоға түсіріп алды. Белгілі болғанындай алып ұшақ Алматы әуежайына жаңармай құйып алу үшін қонған, деп хабарлайды ҚазАқпарат тілшісі.
Оның видеосы әлеуметтік желіде пайда болды. Әуежайдың баспасөз қызметі алып ұшақтың қонағанын растады.
Ол жанармай құю үшін тоқтады. Қазір қайта ұшып кетті.
Еске салайық, Ан-225 «Мрия» ұшағы Алматыға өткен жылдың көктемінде қонаған болатын. Ол кезде борт Қытайдың Тяньцзинь әуежайына COVID-19 қарсы күрес құралдары мен медициналық құрал-жабдық алу үшін аттанған.