Алматының Наурызбай ауданында бірнеше білім беру нысанының құрылысы аяқталуға жақын. 15 мектеп-интернатының құрылыс жұмыстары 99%-ға аяқталды. Негізгі құрылыс-монтаж жұмыстары толық аяқталып, қазіргі уақытта іске қосу-баптау жұмыстары қолға алынған, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
№174 мектепке салынған қосымша ғимараттың құрылысы 100%-ға аяқталды. Нысан қалалық Білім басқармасының иелігіне беріліп жатыр.
Сонымен қатар Нұрлы Дала және Құрамыс шағынаудандарындағы балабақшалар пайдалануға берілмек. Қазіргі уақытта ғимараттарды қажетті жабдықтармен жарақтандыру жұмыстары жүргізілуде. Ал Қалқаман шағынауданындағы балабақша 99%-ға дайын. Бүгінде сыртқы инженерлік желілерді жүргізу және аумақты көріктендіру жұмыстары аяқталып келеді.
