Алматының Жетісу ауданында 2026 жылы коммуналдық желілерді қайта жаңғырту бойынша сегіз жоба жүзеге асырылып жатыр. Жоба аясында 7 шақырымнан астам су құбыры және шамамен 1 шақырым кәріз желісі жаңартылады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Сонымен қатар 2-ші Гончарная көшесінде ұзындығы 340 метр болатын жылу желілерін қайта жаңғырту жұмыстары басталды. Қазіргі уақытта аталған аумақта уақытша желілер тартылды. Жобаны үш ай ішінде аяқтау жоспарланып отыр.
Бұдан бөлек, кернеуі 6-10 кВ болатын кабельдік электр желілерін жаңғырту жұмыстары да қолға алынған. Негізгі жұмыстарды жыл соңына дейін аяқтау көзделген.