2026 жылдың алғашқы алты айында Алматы кітапханаларына 700 мыңнан астам келуші тіркелді. Бүгінде қаланың кітапхана желісі 30 филиалды біріктіреді. Кітап қоры 1,37 миллионнан астам дана болса, тұрақты оқырмандар саны 341 мыңнан асты, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Биыл Алматы кітапханаларының мобильді қосымшасы іске қосылды. Оның көмегімен пайдаланушылар электрондық оқырман билетін рәсімдеп, электрондық каталогтан қажетті кітапты іздей алады, кітапты пайдалану мерзімін ұзартып, жеткізу қызметіне тапсырыс бере алады. Ерекше қажеттілігі бар азаматтар үшін бұл қызмет тегін.
Сонымен қатар кітапхана қорын цифрландыру жұмыстары жалғасуда. Қазіргі таңда 39 мыңға жуық материал электрондық форматқа көшірілді.