Үкімет халықаралық терминалдар желісін кеңейту бойынша жобаларды жүзеге асыруды жеделдетеді, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Премьер-министр Олжас Бектенов Қазақстанның транзиттік әлеуетін күшейту және жаңа жүк ағындарын тарту үшін Астана, Алят, Свислочи, Селятино, Будапешт, Чэнду және Констанцадағы жобаларды қоса алғанда, халықаралық терминалдық желіні дамытуды жеделдетуді тапсырды.«Соңғы бірнеше жыл бойы теміржол инфрақұрылымының дамуы негізінен іске асырылып жатқан жобаларды аяқтауға бағытталып келді. Вагондар мен локомотивтер паркін жаңарту жоспарлары айқындалды. Инфрақұрылымды одан әрі дамыту қажет. Осы орайда, жүк ағындарын Қазақстан аумағы арқылы қайта бағыттауға мүмкіндік беретін халықаралық терминал желісін кеңейту керек», — деп атап өтті Олжас Бектенов.Премьер-министр Көлік министрлігі «Қазақстан темір жолы» компаниясымен бірлесіп, 2027 жылдың 1-ші шілдесіне дейін Астана қаласында, сондай-ақ шетелдік Алят, Свислочь және Селятино қалаларында терминал желісін жүзеге асыруды аяқтауды, сондай-ақ Будапешт, Чэнду және Констанца қалаларында жүзеге асыруға кірісуді тапсырды.
«Бұл жобалар еліміздің транзиттік әлеуетін арттыруға ықпал етеді», — деп атап өтті Олжас Бектенов.