Атмосфералық фронттардың өтуіне байланысты Қазақстан аумағында ауа райы құбылмалы болады деп күтіледі. Жаңбыр жауып, найзағай ойнайды, жел күшейеді, екпінді жел соғып, бұршақ түсуі мүмкін, деп хабарлайды kazlenta.kz.
Қатты жаңбыр:
16 маусымда Маңғыстау, Солтүстік Қазақстан және Ақмола облыстарында,
18 маусымда Солтүстік Қазақстан және Ақмола облыстарында күтіледі.
Күндіз ауа температурасы еліміздің оңтүстік-батысында және оңтүстігінде +35...+40°С-қа дейін көтеріліп, қатты ыстық болады.
Солтүстік, шығыс және орталық өңірлерде де ауа температурасы +35...+38°С-қа дейін жоғарылап, қатты ыстық сақталады.
Елдің қалған аумағында температуралық фонда айтарлықтай өзгерістер күтілмейді.