Қаланы аралау барысында Алматы қаласының әкімі Дархан Сатыбалды Алматы Су, Алматы жылу жүйесі және Алматы электр станциялары мекемелерінің диспетчерлік қызметіне барды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
«Алматы Су» диспетчерлік қызметінде қала басшысы су желілерінің жай-күйін, қысым деңгейін және апаттық бригадалардың жұмысын онлайн режимде бақылауға мүмкіндік беретін цифрлық жүйелермен танысты. Бұл шешімдер тосын жағдайларға жедел ден қоюға жол ашады.Цифрлық шешімдерді енгізу қаланың негізгі инженерлік жүйелерінің қауіпсіздігі мен сенімділігін арттырады.
«Алматы жылу жүйесінде» жылумен қамтуды орталықтандырылған басқару жүйесі енгізілген. Цифрлық платформалар желілердің жұмысын, жүктемені бақылап, мәселелі аумақтарды дер кезінде анықтауға мүмкіндік береді.
Сондай-ақ, әкім «Алматы электр станциялары» акционерлік қоғамының орталықтандырылған бақылау пунктіне барды. Мұнда жасанды интеллект элементтері бар бейнебақылау жүйесі қолданылады. 1,5 мыңнан астам камера еңбек қауіпсіздігі мен өртке қарсы талаптардың сақталуын бақылауды қамтамасыз етеді.
