Қазақстан аумағында суық антициклонның орнына оңтүстіктен жылы циклон келеді. Соның әсерінен елдің көптеген өңірінде қолайсыз ауа райы күтіледі, деп хабарлайды kazlenta.kz.
30–31 желтоқсанда Ақмола, Павлодар, Қарағанды және Ұлытау облыстарында қар жауып, боран соғады. Ұлытау облысында жаңбырдың қарға ұласуы мүмкін. Республиканың оңтүстік өңірлерінде негізінен жаңбыр жауады.
Ел бойынша көктайғақ, тұман және екпінді жел болжанып отыр. 30 желтоқсанда еліміздің солтүстігі мен орталығында, 30–31 желтоқсанда шығыс өңірлерде ауа температурасы күндіз –2…+3°С шамасында болады. Ал оңтүстікте 30–31 желтоқсанда температура +5…+15°С дейін көтеріледі.