Түнгі уақытта заңсыз қару алып жүрген шымкенттік анықталды, деп хабарлайды Polisia.kz.
Шымкент қаласы Полиция департаменті ЖПҚБ Патрульдік полиция полкінің инспекторлары Н. Аманов пен Е. Ақылбек түнгі ауысымнан шығады. Жолда күдік тудырған бір топ адамды байқап, жандарына барып, мән-жайды сұрастырады. Азаматтардың бірінде артына жасырып тұрған, қаруға ұқсас затты байқаған тәртіп сақшылары тез арада “102” нөміріне хабар береді. Аталған жайт 12 қыркүйек күні түнгі сағат 02:00 шамасында орын алған.
Тәртіп сақшылары қаруды қайдан алғанын анықтау мақсатында ер адамды тиісті басқармаға жеткізді. Тексеру амалдары жүргізілуде. Тексеру жұмыстарының нәтижесінде олардың іс-әрекетіне құқықтық баға берілетін болады.