Шығыс Қазақстанда атыс қаруын қолданумен жасалған қылмыстар саны өсті. Бұл туралы «online» форматта халық алдындағы есептік кездесу барысында ШҚО полиция департаментінің бастығы Сағат Мадиев айтып берді, деп хабарлайды kazlenta.kz.
Облыстың бас полицейінің айтуынша, атыс қаруын қолданумен 21 қылмыс тіркелген. Бұл ретте 12 жағдайда қару заңсыз сақталған. Барлық фактілер бойынша қызметтік тергеу жүргізілді.
- Алдын алу мақсатында ШҚО-да екі рет "Қару" жедел алдын алу шарасы өткізілді. Осы іс-шаралар барысында 9 мыңнан астам шаруа қожалықтары тексерілді. Нәтижесінде, қаруды заңсыз сақтаудың 125 фактісі анықталып, азаматтық қару иелеріне 25 мың тексеру жүргізілді, - деді С.Мадиев.
Жалпы, заңсыз айналымнан 470 бірлік қару, оның ішінде 72 ойық ұңғылы қару, ойық ұңғылы қаруға 1 365 патрон және 2 кг жарылғыш зат тәркіленді.