Астанада Төлебаев көшесінде орналасқан тұрғын үйдің лифтісін жөндеу кезінде қайғылы оқиға болды. Лифт компаниясының бір қызметкері оқиға орнында көз жұмды. Бұл туралы Астана қаласының Қоғамдық денсаулық сақтау басқармасы мәлімдеді, деп хабарлайды kazlenta.kz.
Тағы екі қызметкер жарақат алып, №1 көпбейінді қалалық ауруханаға жеткізілді. Дәрігерлердің мәліметінше, науқастардың бірінің жағдайы орташа ауыр, екіншісінікі ауыр. Бірі анестезиология, реанимация және интенсивті терапия бөлімшесінде, екіншісі политравма бөлімінде ем қабылдап жатыр.
Қазіргі таңда зардап шеккендерге барлық қажетті медициналық көмек көрсетілуде. Оқиғаның себебі анықталып жатыр.