Алматыдағы «Sholpan City» тұрғын үй кешенінде заңды түрде сайланған ПИК төрағасының өкілеттігі қалпына келтірілді. Мұндай шешім тұрғындардың қала әкімдігіне ұжымдық өтінішінен кейін қабылданды. Қала әкімі Дархан Сатыбалдының тапсырмасымен кешенде тексеру жүргізіліп, жағдай толық зерделенді. Нәтижесінде жаңа төрағаны сайлау рәсімі заңды деп танылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бес жыл бұрын пайдалануға берілген кешен тұрғындары соңғы уақытта бірқатар қиындықтарға тап болған. Олардың арасында жерасты автотұрағының мақсатсыз пайдаланылуы, даулы нысандар және меншік иелері бірлестігі ішіндегі келіспеушіліктер бар.
«Кейбір жалға алушылар тіпті паркингтің ішінде бөлмелер жасап алған — кір жуады, тамақ пісіреді, сол жерде тұрады. Мұндай жағдай қалыпты деп саналмайды», — дейді тұрғын Раушан Әбілова.
Мәселені күрделендірген тағы бір жайт — бұрынғы төрағаның өкілеттікті заңсыз түрде қайта иеленуі.
Қалалық қызметтердің араласуынан кейін жағдай ретке келтірілді.
Тұрғындар қала әкімінің жеке бақылауы мен қолдауын атап өтті:
Қазір кешенде жер пайдалану, коммуналдық төлемдер мен аумақты күтіп-ұстауға қатысты мәселелерді реттеу жалғасуда. Барлық үдерістер қала басшылығының тұрақты бақылауында.