Алматы әкімі Дархан Сатыбалдының тапсырмасымен қалада сыртқы және сәулеттік жарықтандыруды жаңғырту жұмыстары қарқынды жалғасып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2025 жылдың соңына дейін 1189 аумақта 20 мыңнан астам шам мен торшер орнатылады. Ауқымды бағдарлама барлық ауданды қамтып, көшелердің толық жарықтандырылуын қамтамасыз етеді. Жұмыс Әуезов ауданында толық аяқталып, Медеу ауданында қарқын алуда. Мектептер мен ауруханаларда, жоғары оқу орындары мен тұрғын үйлер сияқты 70 әлеуметтік нысанда сәулеттік жарық жүйесі жаңартылады. Орнатылып жатқан шамдар Smart Lighting жүйесіне қосылу арқылы жарықты қашықтан тиімді басқаруға мүмкіндік береді.Қала әкімі Дархан Сатыбалды мынадай тапсырмалар берді: Сәулеттік жарықтандыруды жеделдету; Барлық нысанды қатаң бақылауда ұстау; «Алматы Қала Жарық» кәсіпорнының жұмысын күшейту.