Алматы әкімі Дархан Сатыбалды «Барлық» базары аумағына барып, қаладағы көлік және инженерлік жүйелерді дамытуға бағытталған маңызды инфрақұрылымдық жобалармен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Негізгі жобалардың бірі – метроның үшінші желісінің құрылысы. Ол «Қалқаман» станциясынан «Барлық» базарына дейінгі аралықты қамтиды: ұзындығы 5,3 шақырым болатын тоннельдер, үш жаңа станция және «Барлық» базары аумағында орналасатын көлік тораптық хабы (ТПУ). Бұл хаб метро, автобекет, жеңіл рельсті көлік пен автотұрақты біріктіріп, қала орталығы мен шет аймақтарды жалғайды.Сонымен қатар, тәулігіне 43 мың текше метр су шығаратын «Ақсай (Барлық)» жерасты су алу кешені салынып жатыр. Жоба Наурызбай және Алатау аудандарындағы 80 мыңға жуық тұрғынды сапалы ауызсумен қамтиды,-делінген хабарламада.Нысандарды аралау кезінде Дархан Сатыбалды мынадай тапсырмалар берді:- метро құрылысына қажетті жер телімдерін келісу мен сатып алуды жеделдету;- жобаның сараптамасын толық аяқтау;- көлік тораптық хабының қауіпсіздігі мен қолайлылығын қамтамасыз ету; - «Ақсай (Барлық)» су алу жобасының іске асуына бақылау күшейту.