28 шілде кешкісін Астанада Байқоңыр ауданында орналасқан қатты тұрмыстық қалдықтар полигонында өрт шықты, - деп хабарлайды kazlenta.kz тілшісі ҚР ТЖМ баспасөз қызметіне сілтеме жасап.
"Байқоңыр ауданы, Алаш тас жолы маңындағы қатты тұрмыстық қалдықтар полигонында қоқыстың жануы орын алды. Оқиға орнында жерді қалпына келтіру, топырақпен толтыру және өртті сөндіру жұмыстары жүргізілуде. Зардап шеккендер жоқ. Өрттің себебі анықталуда", - делінген хабарламада.
Өртті жоюға ТЖД және ЖАО күштері мен құралдары жұмылдырылды.
Қабылданған жедел шаралардың нәтижесінде Астана қаласындағы қатты тұрмыстық қалдықтар полигоны аумағындағы қоқыстың жануы алдын ала 1200 шаршы метр аумақта оқшауланды.