“26 тамызда сағат 18.45 -те "Оңтүстік" өңірлік қолбасшылығының әскери оқ -дәрілерінің базасының қоймалардың бірі өртенді. Әскери бөлімнің өрт сөндіру бөлімдері өртті дереу оқшаулауға кірісті, әскери бөлімнің кезекшісі "Юг" командирінің жедел кезекші бөліміне және Байзақ ауданының төтенше жағдайлар бөліміне дереу хабарлады. Өтті сөндіру үшін бастапқы кезеңде 500-ге жуық қызметкер жұмылдырылған. 31 әскери техника, 24 өрт сөндіру көлігі оқиға орнында жұмыс істеді. Өртті сөндіруге қанша тырысқанымен, өрттен кейін бір сағаттан кейін алғашқы жарылыстар болды. Барлығы 10-нан астам шағын жарылыстар тіркелді”, – деді қорғаныс министрі Ермекбаев Нұрлан Байұзақұлы.
Ермекбаев Сарыкемердегі оқ-дәрілердің саны Арыстағы оқ-дәрелірдің санынан әлдеқайда аз екенін айтты.
“Бұл қоймада тек қана инженерлік оқ-дәрілер сақталған болатын. Олардың жартысы екі жыл бұрын Арыс қаласынан әкелінген. Инженерлік оқ-дәрілердің басты ерекшелігі – олар жарылған кезде үлкен аумақты қамтымайды. Өте қауіпті, жарылу аймағы үлкен оқ-дәрілер бұл қоймада аз болған. Олардың ең ұзақ жарылу аймағы 3 км құрайды. Бірақта халықтың қауіпсіздігін қамтамасыз ету үшін жақын аймақтағы үш ауыл тұрғындарын эвакуацияладық. Оқиғаны Арыстағы жарылыспен салыстыратын болсақ, Сарыкемер базасындағы оқ-дәрілер саны Арыстағы оқ-дәрілер санынан жеті есе аз болған. Түнде жарылыстар тоқтады. Қазір бірнеше қоймада өрт болып жатыр”, – дейді ол.