2025 жылдың бірінші жартыжылдығында ескі үйде тұрып келген 220 отбасы жайлы жаңа баспанаға қоныстанды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жаңа тұрғын үй «бөлме орнына бөлме» қағидаты бойынша немесе нарықтық бағамен ақшалай өтемақы түрінде беріледі.Барлық пәтер заманауи талапқа сай толық әрленіп, интернет желісімен, өртке қарсы дабыл жүйесімен, сантехника, фаянс, газ немесе электр плитамен жабдықталған.Ерекше күтімді қажет ететін жандарға бірінші қабаттағы немесе жедел саты, пандусы бар, кедергісіз кіріп-шығуға ыңғайлы үйлерден пәтер қарастырылған.Қоныс аударғандардың дені Түрксіб ауданында 99 адам, одан кейін Алмалыда 57, Жетісуда 32, Әуезов 20, Бостандық 7, Алатау 3 және Медеу ауданында 2 тұрғын жаңа қонысқа көшті.Жыл соңына дейін тағы 600-ден аса алматылық жаңа баспаналы болмақ.«Алматы қаласының тұрғын үй қорын жаңарту бағдарламасы» 2030 жылға дейін тозығы жеткен 1366 үйдің санын 690-ға дейін азайтып, шамамен 7 500 меншік иесін заманауи пәтерге көшіруді көздейді.