Алматыда мектептер мен балабақшаларды жаңа оқу жылына дайындау бойыншажұмыс кеңесі өтті. Қала әкімі Дархан Сатыбалды уақытылы әрі сапалы дайындықтың маңызын атады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қалада 1 696 оқу орны жұмыс істейді, онда 565 мыңнан астам бала білім алады. «Келешек мектептері» жобасы аясында 20 жаңа мектеп салынып жатыр: соның 8-і 1 қыркүйекке дейін ашылады, тағы 6-уы тамыз айында пайдалануға беріледі. Қазіргі мектептерде жөндеу жұмыстары қолға алынған. Бірінші сыныпқа және 10-сынып оқушыларының қабылдануы жоспарға сәйкес жүріп жатыр; 26 мыңнан астам бала мектеп табалдырығын аттамақ. Қауіпсіздікке ерекше назар аударылып отыр: 21 мыңнан астам бейнебақылау камерасы, дабыл жүйелері және кіруді бақылау құрылғылары орнатылған. Сондай-ақ, маман даярлау, колледждерді цифрландыру және жаңғырту жайы талқыланды. 2025 жылы 5 мыңнан астам педагог біліктілігін арттырды, алтехникалық және кәсіптік білім беру ұйымдарында 85 мыңнан астам студент оқыпжатыр, - делінген хабарламада.
