«Келешек мектептері»: Ақтауда биыл 3 мектеп пайдалануға беріледі, деп хабарлайды kazlenta.kz тілшісі Ақтау қаласы әкімінің баспасөз қызметіне сілтеме жасап.
Ақтау қаласында былтырғы оқу жылында бюджет қаражаты есебінен 18 және 19А шағын аудандарда әрқайсысы 1200 орындық 2 мектеп пайдалануға берілді. Сондай-ақ «Келешек мектептері» ұлттық жобасы аясында 3 мектеп құрылысы аяқталып, тапсырылды. Биыл тағы 3 «Келешек мектептерінің» құрылысы жүргізілуде.- Қазіргі таңда, аталған жоба аясында 16, 20 ш/а және «Рауан» елді мекенінде 3 мектептің құрылыс жұмыстары жүргізілуде. Бұл өз кезегінде білім саласындағы өзекті мәселе - үш ауысымды мектеп проблемасын шешуге ықпал етпек, - деді қала әкімі Әбілқайыр Байпақов.