Алматыда жаңа оқу жылында 28 мыңнан астам бала алғаш рет партаға отырады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала әкімінің орынбасары Әсем Нүсіпова 21 тамызда 1-сыныпқа 27 490 бала қабылданғанын, ал қабылдау 31 тамызға дейін жалғасатынын айтты.Бірінші сынып оқушыларының саны өткен жылмен салыстырғанда 4 мыңға азайғанымен, жалпы мектептерде 308 519 бала оқиды. Мұқтаж балаларды қолдау үшін «Мектепке жол» акциясы басталды, оның аясында 12 684 бала қаржылай көмек алды.Сондай-ақ, «Мектеп автобусы» жобасы жалғасады: биыл қолданыстағы 100 автобусқа тура сондай көлемде автобус сатып алынады, бұл 14 мыңнан астам баланы тасымалдауға мүмкіндік береді.Оқушыларға тамақтануға 16,5 млрд теңге бөлінді, бұл 133 мыңнан астам оқушыны қамтиды.«Тамақтану құны орта есеппен 840 теңге, бұл еліміз бойынша ең жоғары көрсеткіш», - деді қала әкімінің орынбасары.Алматыда 337 мектеп бар, оның 215-і мемлекеттік.