Алматы әкімі Дархан Сатыбалды Tav Airports басқарма төрағасы Серкан Каптанмен жұмыс кездесуін өткізді. Басты назарда - еліміздің негізгі көлік торабы әуежайды жаңғырту, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы әуежайы жылына 11 млн-нан астам жолаушыға қызмет көрсетеді және Қазақстандағы әуетасымалы көлемінің 70% - дан астамын қамтамасыз етеді. Ішкі терминалды, ұшу-қону жолағын, инженерлік және жерүсті инфрақұрылымын қайта құру жоспарлары талқыланды.Дархан Сатыбалды көлік хабын дамытудың маңыздылығын атап өтіп, қызмет көрсетудің халықаралық стандарттарын енгізу қажеттігін атап өтті.Терминал бойынша ұсынылған шешімдерді зерделеу, кірме жолдарды қайта құру және болашақ метро желісін әуежай жүйесіне біріктіруді пысықтау тапсырылды.